ahlamalnajdi
پان كيك خوراااافي على طريقتي 😋🥞❤️
المقادير :
ملعقة كبيرة زيت
ملعقة كبيرة فانيليا سائلة
٤ ملاعق كبيرة سكر
ملعقة كبيرة بكنج باودر
رشة ملح
بيضة
كوب حليب المراعي قليل الدسم
كوب دقيق أبيض
الطريقة :
١- نخلط المقادير السائلة مع بعض
٢- نضيف السكر ونخلط بالخلاط اليدوي لحد مايذوب السكر
٣- نضيف الدقيق بالتدريج ونخلط لحد مايصير الخليط متجانس
٤- إذا صار فيه كتل دقيق نخلط الخليط بالخلاط الكهربائي
٥- نترك الخليط ٥ دقايق
٦- في تاوة صغيره ساخنة على نار هادية جداً نحط كمية من الخليط بحيث تكون الكمية نصف التاوة عشان نترك مجال لحبة البان كيك لما تنتفخ ونغطي التاوة لحد مايتماسك الوجه
٧- نقلب البان كيك على الوجه الثاني ونخليه شوي لاتخلوه يتحمر كثير يكفي أنه يتماسك
٨- الحبة الي تخلصوا منها حطوها في الحافظة عشان تحتفظ بحرارتها وليونتها لين تخلصوا كل الكمية رتبوها في الصحن .
٩- حطيت قطعة زبدة صغيره مع الصوص وزينته بالتوت وورق النعناع وبالعافية
١٠- جربوا تشربوا معاه قهوة قشر بالحليب ( قشر قهوة - عيدان قرفة - زنجبيل أخضر مبشور - كمية مناسبة من الموية وتغلوها لمدة ٢٠ دقيقة على نار هادية الحليب السايل ممكن تضيفوه في الكاس حسب الرغبة ) وبالعافية 😋
الصوص الأبيض :
٣ ظروف دريم ويب ( أو ٣ ظروف كريم شانتيه )
نصف كوب حليب المراعي قليل الدسم
ملعقتين حليب نيدو
ملعقة كبيرة فانيلا سائلة
ملعقتين كبيرة سكر
نخلطهم في الخلاط الكهربائي لحد مايصير الخليط متجانس وثقيل ، بعدين نصبه على الپان كيك